අසංගගේ ප්‍රේමය

රළු වුවත් සැඩ රශ්මි ධාරා
ප්‍රියයි කතරක් සමග රැදෙනට
එහෙත් කතරක් දින ගනින්නේ
සෞම්‍ය වැසි දිය පහස ලැබුමට
දුරින් හිද ඔබ දෙස බලන මම
ප්‍රිය කලත් ඔබ ලගින් රැදුමට
ඔබේ සිතැගිය ඔහුගේ හුස්මට
මුසුව හිදුමයි දිවි තුරාවට

නොලැබෙනා කල බලෙන් අත් කර
ගැනුම ආලය ලෙස නොගන්නෙමි
තැවුම් ලතැවුම් අතර රැදෙමින්
විරහවේ රස පහස නොලබමි
පිරිනැමුම ආලයම ලෙස ගෙන
මැදි සිතින් සැම දරා ගන්නෙමි
මෑත සිට ඔබ සිනාසෙනු දැක
හදෙහි ලැව් ගිනි නිවා සැනසෙමි