පොසොන් සඳ

බලා හිඳියෙමි
පොසොන් සඳ නැගෙන තුරු
දුටිමි ඉඳ හිට
තරු මවන හැඩයුරු
නගර පාසා
නැගෙන සැනකෙළි
බොදු ගීත සැමවිටම
පැවසුවද මිහිඳු හිමි තතු…

නිවෙස් පාසා දිලෙන බුබුළු ද
හැඩට කැපු සව් මැවූ කූඩු ද
වීදි දරුවොත් දරුවො නොවෙතිද
කදෝකිමි රැස් පමණි හිමි වුණ…

පෘතග්ජන මිනිස්සුන්ලු
නැහැලු ආශා නිමා වෙන්නේ
ළතෙත් වෙන්නේ මිනිස්සුන්ටලු
එහෙත් කිම මේ වීදි හැඬුමන්
නෑසි යන්නේ බිහිරිවන් සේ…